वरोरा : तालुका अभियान व्यवस्थापन कक्ष, वरोरा अंतर्गत उद्यमिता पंधरवाडा निमित्ताने आज दिनांक २९ जुलै २०२२ रोजी पंचायत समिती सभागृह येथे एक दिवसीय कार्यशाळा घेण्यात आली. सदर कार्यशाळेत तालुक्यातील उद्योग , व्यवसाय करणाऱ्या समूहाच्या ४४ महिला सहभागी झाल्या होत्या. कार्यशाळेत श्री.मोकासे, तज्ञ मार्गदर्शक यांनी उद्योग व्यवसाय निवड, नोंदणी, लेबलिंग, पॅकेजिंग, ब्रॅण्डिंग, मार्केटिंग इत्यादी विषयांवर सविस्तर मार्गदर्शन केले. महिलांनी आणलेल्या उत्पादने निरीक्षण करून त्यामधे काय उणीव आहे आणि त्या कशा पूर्ण करायच्या याबाबतही मोलाची माहिती दिली. सदर कार्यशाळेला गट विकास अधिकारी श्री.संदीप गोडशेलवर यांनी भेट देऊन तालुक्यातील उत्पादन व व्यवसायाची माहिती जाणून घेतली आणि मार्गदर्शन केले. कार्यशाळा यशस्वी करण्यासाठी तालुका टीम यांनी सहभाग घेतला.
