वरोरा : तालुका अभियान व्यवस्थापन कक्ष वरोरा अंतर्गत उन्नती ग्रामसंघ चे वतीने साखरा ( राजा ) येथे आज दिनांक ४ जानेवारी २०२२ रोजी आठवडी बाजार सुरू करण्यात आला. त्याप्रसंगी झालेल्या कार्यक्रमाच्या अध्यक्षस्थानी सरपंच शाम लता पाटील होत्या. बाजाराचे उद्घाटन पंचायत समिती सदस्य वंदनाताई दाते यांच्या हस्ते झाले. प्रभाग संघाच्या सचिव मायाताई धोटे, ग्राम संघ व ग्रामपंचायत पदाधिकारी, तालुका अभियान व्यवस्थापन कक्ष टीम इत्यादी उपस्थित होते.बाजारात भाजीपाला, धान्य स्टेशनरी, हॉटेल ,किराणा, कापड इत्यादी दुकाने लावण्यात आली. बाजाराला गावातील व परिसरातील लोकांचा चांगला प्रतिसाद दिसून आला.
