सिंदेवाही : आज दिनांक 4 जानेवारी 2022 रोजी तालुका अभियान व्यवस्थापन कक्ष,पंचायत समिती सभागृह,सिंदेवाही येथे "विपणन"या विषयावर जिल्हा स्तरावरून एक दिवसीय कार्यशाळेचे आयोजन करण्यात आले.सदर कार्यशाळेला प्रशिक्षक म्हणून श्री मोकाशे सर होते .त्यांनी उपस्थित महिलांना उद्योग निवड,बाजार पेठेचे सर्वेक्षण,उत्पादन विक्री व्यवस्था,नाविन्यपूर्ण संधी ,जुन्या व्यवसायातील अडचणी त्यावर उपाय या बाबत सविस्तर माहिती दिली.तसेच नवीन उद्योग करण्यास प्रेरित असलेल्या महिलांना उमेद अभियानाच्या माध्यमातून समूह,ग्रामसंघ,प्रभागसंघामार्फत काय काय व्यवसाय करता येणार व छोटा व्यवसाय सुरू असेल तर त्याला कशा प्रकारे मोठया बाजारपेठेत आणता येईल व स्वयं प्रेरणेने पूर्ण समूह उद्योजकीय प्रवाहात कसे येतील याबाबत मार्गदर्शन केले. सदर कार्यशाळेला तालुका अभियान व्यवस्थापन कक्ष,सिंदेवाही ची पूर्ण टीम व विविध व्यवसाय करणाऱ्या महिला प्रशिक्षणार्थी सहभागी होत्या.
