भद्रावती : दिनांक – 12/01/2022 रोज बुधवारला पंचायत समिती सभागृह भद्रावती येथे विपणन विषयक तालुका स्तरीय एक दिवशीय कार्यशाळेचे आयोजन करण्यात आले होते. सदर कार्यशाळेकरिता मार्गदर्शक व उदघाटक माननिय गट विकास अधिकारी डॉक्टर श्री मंगेशजी आरेवर सर, उपस्थित होते, व मार्गदर्शक महणून श्री शशिकांत ल. मोकासे सर उपस्थित होते. त्यांनी उपस्थित महिलांना उद्योग, बाजारपेठ, नवनविन संधी याबाबत मार्गदर्शन केले. तसेच व्यवसाय करतांना येणाऱ्या अडचणी जाणून घेतल्या व त्यावर उपाययोजना यावर मार्गदर्शन केले. अभियानाच्या माध्यमातून स्वयंसहाय्यता समूह, ग्रामसंघ व प्रभागसंघ यांना कोणकोणते व्यवसाय करता येईल यावर मार्गदर्शन केले. तसेच छोटेछोटे व्यवसाय सुरु असतील त्यांना कशाप्रकारे मोठे करता येईल व इतरांना कश्याप्रकारे रोजगाराच्या संधी उपलब्ध करून देऊन मोठे यशस्वी उद्योजक बनता येईल याबाबत श्री शशिकांत ल. मोकासे मार्गदर्शन केले.
सदर प्रशिक्षणाला तालुका अभियान व्यवस्थापन कक्ष, पंचायत समिती भद्रावती ची सर्व टीम, उद्योग सुरु असलेल्या महिला तसेच नविन उद्योग सुरु करू इच्छीणाऱ्या महिला नवउद्योजक महिला यांनी सहभाग घेतला व कार्यशाळा यशस्वीरीत्या संपन्न झाली.
