मोरवा येथे सावित्रीबाई फुले जयंती साजरी

                चंद्रपूर : तालुक्यातील मोरवा येथे २९ जानेवारी २०१९ रोजी क्रांतिज्योती सावित्रीबाई फुले जयंती साजरी करण्यात आली.

                ताडाळी- पडोली प्रभागात मोरवा हे गाव येते. तेथे अभियाना अंतर्गत गुलाबी दीपशिखा ग्रामसंघ स्थापन करण्यात आला असून, ग्रामसंघ विविध उपक्रम राबवीत असतो. दिनांक २९ जानेवारी २०१९  रोजी ग्रामसंघाच्या वतीने क्रांतिज्योती सावित्रीबाई फुले जयंतीचे आयोजन करण्यात आले. यात गावातील सर्व समुहातील महिला, ग्रामसंघाचे पदाधिकारी आणि इतर महिला सहभागी झाल्या होत्या.

                कार्यक्रमात ग्रामपंचायतीचे  सरपंच, पोलिस पाटील,बँक आँफ इंडियाचे शेंडे यांनी मार्गदर्शन केले. कार्यक्रमाच्या आयोजनासाठी प्रभाग समन्वयक सिद्धार्थ ढोण यांनी सहकार्य केले.