चंद्रपूर :- वसंतराव नाईक राज्य कृषी व्यवस्थापन प्रशिक्षण
संस्था (वनामती) नागपूर च्या वतीने कृषी विज्ञान (KVK) केंद्र सिंदेवाही येथे दिनांक
7 डिसेंबर 2020 रोजी घाटेअळीच्या नियंत्रणासाठी एक दिवशीय प्रशिक्षण पार पडले.
कार्यशाळेच्या अध्यक्षस्थानी
श्री. डॉ. व्हि. जी.नागदेवते, कार्यक्रम समन्वयक KVK, सिंदेवाही होते. तर प्रमुख पाहुणे
म्हणून श्री. शिवणकर उपसंचालक वनामती नागपूर, सो सीमा मूढाले, वनामती, नागपूर, श्री.
डॉ. कोल्हे, सहयोगी संचालक, कृषी विज्ञान केंद्र, सिंदेवाही व विषाणू प्रतिबंध
उपाययोजना मार्गदर्शक म्हणून श्री. सुनील कोंडे, वनामती नागपूर उपस्थित होते. या
प्रशिक्षणात कृषी विभागात कार्यरत तालुका तंत्रज्ञान व्यवस्थापक, उमेद अभियानातील तालुका
अभियान व्यवस्थापक, कृषी व्यवस्थापक, कृषी सखी व स्वयंसहाय्यता समूह यांचे अध्यक्ष,
सचिव सहभागी झाले होते. HaNPV (घाटेअळी विषाणू) निर्मिती आणि वापर यावर विशेष
मार्गदर्शन करण्यात आले.
प्रशिक्षणात प्रामुख्याने
जैविक पध्दतीने एकात्मिक कीड व्यवस्थापन करून पिकांची उत्पादकता वाढविणे व रासायनिक
कीटकनाशक ऐवजी जैविक पद्धतीने कीड व्यवस्थापन करणे या मुख्य उद्देश ठेऊन प्रशिक्षण
देण्यात आले. या विषाणू निर्मितीचे प्रात्यक्षिक देण्यात आले. यासाठी लागणारे विषाणू
कल्चर हे वनामती मार्फत उपलब्ध करून देण्यात आले.
सदर प्रशिक्षणातून जेंविक
पध्दतीने विषाणूची निर्मिती करून शेतकरी वर्गाला कमी किंमतीत उपलब्ध करून दिल्यास त्यांचा
होणारा घाटेअळी च्या नियंत्रणा वरील खर्च कमी करता येतो. जिल्हातील प्रत्येक तालुक्याला हे HaNPV तयार करण्याचे
उद्दिष्ट देण्यात आलेले आहेत.
सध्या घाटेअळीचा प्रादुर्भाव सुरू
असून, या कार्यशाळेने जैविक तंत्रज्ञान गावपातळीपर्यंत पोहोचेल, अशी माहिती
कार्यशाळेत उपस्थितांनी दिली.
